Home சினிமா ரஜினி ஆரம்பிக்கும் கட்சியை எங்கு ஆரம்பிக்கலாம் என ராதாரவி கூறிய ஆலோசனை…!

ரஜினி ஆரம்பிக்கும் கட்சியை எங்கு ஆரம்பிக்கலாம் என ராதாரவி கூறிய ஆலோசனை…!

நடிகர் கமல்ஹாசன் இம்மாதம் 21ஆம் தேதி இராமநாதபுரத்தில் அப்துல்கலாம் இல்லத்தில் இருந்து தனது அரசியல் பயணத்தை தொடங்கவுள்ள நிலையில் வெகுவிரைவில் ரஜினியிடம் இருந்தும் புதிய கட்சி குறித்த அறிவிப்பு வெளிவரும் என்று எதிர்பார்க்கப்படுகிறது.

தற்போது மாவட்டந்தோறும் ரஜினி மக்கள் மன்ற நிர்வாகிகள் தேர்வு செய்யும் பணி நடந்து வருவதால் இம்மாத இறுதியில் அல்லது அடுத்த மாதம் ரஜினி கட்சியின் அறிவிப்பு வெளிவரும் என்று எதிர்பார்க்கப்படுகிறது.

இந்த நிலையில் ரஜினி, கமல் அரசியலில் களம் புகுவது குறித்து சமீபத்தில் திமுகவில் இணைந்த நடிகர் ராதாரவி கூறியபோது, ‘ரஜினி, கமல் அரசியல் களத்திற்கு வரட்டும். வந்த பின்னர் பார்த்துக் கொள்ளலாம் என்றும், ரஜினி

தமிழகத்தில் கட்சி ஆரம்பிப்பதை விட கர்நாடகாவில் அரசியல் செய்யட்டும் என்றும் தமிழகத்தை தமிழர்கள் ஆளட்டும் என்றும் கூறியுள்ளார்.

ராதாரவின் இந்த கருத்துக்கு ரஜினி ரசிகர்கள் எதிர்ப்பு தெரிவித்தும் ஒருசிலர் இந்த கருத்தை ஆதரித்தும் கருத்துக்களை பதிவு செய்து வருகின்றனர்.