Home சமூக சீர்கேடு சிங்கள காதலியை கடத்தி துஷ்பிரயோகம் செய்த காதலுக்கு தர்ம அடி

சிங்கள காதலியை கடத்தி துஷ்பிரயோகம் செய்த காதலுக்கு தர்ம அடி

சமுக சீர்கேடு:கம்பஹாவில் காதலியை கடத்திச் சென்று பாலியல் துஷ்பிரயோகம் செய்த இளைஞனை விளக்க மறியலில் வைக்குமாறு நீதிமன்றம் உத்தரவிட்டுள்ளது.

வெலிவேரிய பொலிஸ் பிரிவில் வசிக்கும் 18 வயதான யுவதியை கடத்திச் சென்று சிறை வைக்கப்பட்ட யுவதி பாலியல் துஷ்பிரயோகத்திற்கு உட்படுத்தப்பட்டுள்ளார். அவரிடம் இருந்த தங்க நகைகளையும் குறித்த இளைஞன் கொள்ளையடித்துள்ளார்.

வத்தளை பிரதேசத்தை சேர்ந்த நுவன் சஞ்சய ருதிகம என்ற 38 வயதான இளைஞனே யுவதியை கடத்தி, துஷ்பிரயோகம் செய்துள்ளார். இதனை அவதானித்த பிரதேச மக்கள் இணைந்து குறித்த இளைஞனை கடுமையாக தாக்கியமையினால் அவர் காயமடைந்து கம்பஹா வைத்தியசாலையில் அனுமதிக்கப்பட்டுள்ளார்.

கம்பஹா வைத்தியசாலைக்கு சென்று சந்தேக நபரை நீதவான் பார்வையிட்டார். அவரை எதிர்வரும் 20ம் திகதி விளக்க மறியலில் வைக்குமாறு கம்பஹா நீதவான் ஹேரத் உத்தரவிட்டுள்ளார்.

பாதிக்கப்பட்ட யுவதி மற்றும் சந்தேக நபருக்கு இடையில் காதல் தொடர்பு ஒன்று காணப்பட்டுள்ளது. எனினும் சந்தேக நபரின் செயற்பாடு குறித்து சந்தேகமடைந்து அவரை நிராகரிக்க ஆரம்பித்துள்ளதாக பாதிக்கப்பட்ட யுவதி நீதிமன்றத்தில் குறிப்பிட்டுள்ளார்.

பெண்ணின் கையடக்க தொலைபேசி சந்தேக நபரிடம் இருந்துள்ளது. இதனை வழங்குவதாக கூறி யுவதி அழைத்து துஷ்பிரயோகம் செய்துள்ளார் என பாதிக்கப்பட்ட யுவதி மேலும் குறிப்பிட்டுள்ளார்.