Home பல்சுவை வீட்டில் தீபம் முறை தெரியுமா? இப்படி ஏற்றினால் கெடுதல்தான்

வீட்டில் தீபம் முறை தெரியுமா? இப்படி ஏற்றினால் கெடுதல்தான்

பல்சுவை செய்திகள்:வீட்டில் தீபம் ஏற்றுவதால் பல நன்மைகள் அடங்கியுள்ளது. ஆனாலும் தீபத்தை சரியான நேரம் இடத்தை பெறுத்து தான் ஏற்ற வேண்டும். நம் வீட்டில் எப்போது தீபம் ஏற்ற வேண்டும், எந்த திரியை பயன்படுத்த வேண்டும், எந்த எண்ணெய்யில் விளக்கு ஏற்ற வேண்டும் என்பதை பார்க்கலாம்.

தீபம் எந்த எண்ணெய்யில் ஏற்றவேண்டும்
காலையில் உஷத் காலத்திலும் மாலையில் சூரிய அஸ்தமனத்துக்கு முன்பும் வீட்டில் தீபம் ஏற்ற வேண்டும். எவர்சில்வர் விளக்கு ஆகாது. இரண்டு திரி சேர்த்து முறுக்கி ஏற்றுவது உத்தமம். தீபத்தை கிழக்கு திசையிலும் மேற்கு திசை நோக்கியும் வடக்கு திசை நோக்கியும் தீபம் ஏற்றவேண்டும். தெற்கு எமனுடைய திசை என்பதால் தெற்கே பார்த்து தீபம் ஏற்றக்கூடாது.

ஒரு திரி ஏற்றுவோர் எப்போதும் கிழக்கு நோக்கியே தீபமேற்ற வேண்டும். புதிய மஞ்சள் துணி திரி போட்டு விளக்கு ஏற்றினால் செய்வினை பில்லி சூனியம் பேய் பிசாசு அண்டாது.

பஞ்சுத்திரி போட்டு விளக்கேற்றினால் மங்கலம் உண்டாகும். வாழைத்தண்டு திரி போட்டு விளக்கேற்றினால் புத்திர பாக்கியம் கிடைக்கும். பட்டு நூல் திரி போட்டு விளக்கேற்றினால் எல்லாவித சுகங்களும் கிடைக்கும். ஆமணக்கு எண்ணெயில் தீபம் போட்டால் அனைத்து செல்வமும் கிடைக்கும். தேங்காய் எண்ணையில் தீபம் ஏற்றினால் தேக ஆரோக்கியம், செல்வம் கிடைக்கும். நல்லெண்ணை தீபம் ஏற்றினால் எம பயம் அகலும்.

தாமரை நூல் திரி போட்டு விளக்கேற்றினால் லக்ஷ்மி கடாட்சம் உண்டாகும். நெய்தீபம் ஏற்றினால் சகல சௌபாக்கியமும் உண்டாகும். நீர் நிரம்பிய பாத்திரத்தை பூஜை அறையில் வைப்பது நல்லது.பூஜை அறையில் விளக்கு வைத்தால் பாவம் தீரும். அகல் விளக்கு வைத்தால் சக்தி தரும்

வழிபாடு
தீப சரஸ்வதி என்று மூன்று முறையும், தீபலட்சுமி என்று மூன்று முறையும், தீப துர்கா என்று மூன்று முறையும் குல தெய்வத்தை நினைத்து மூன்று முறையும் தீபத்தை பன்னிரண்டு முறை நமஸ்காரம் செய்ய வேண்டும். தீபத்தை வாயால் ஊதி அணைக்காமல் ஒரு பூவின் காம்பு கொண்டு தான் அணைக்க வேண்டும்.