சந்தையை முடக்கிவிட்டு சந்தைக்கு வெளியிலிருந்து வியாபாராம்! பிறகு என்ன முடக்கம்?

கொரோனா தொற்று அபாயம் காரணமாக கிளிநொச்சி சேவை சந்தை முடக்கப்படுவதாக பிரதேசசபை அறிவித்திருக்கும் நிலையில் பொது இடங்களில் வியாபார நடவடிக்கைகள் இடம்பெற்றுவரும் நிலையில் பிறகு எதற்கு சந்தையை முடக்கவேண்டும்? என மக்கள் கேள்வி எழுப்பியிருக்கின்றனர்.

கரைச்சி பிரதேச சபையின் ஆளுகையின் கீழ் உள்ள கிளிநொச்சி சேவை சந்தையில் 500க்கு மேற்பட்ட வர்த்தக நிலையங்கள் காணப்படுகின்றன. மாவட்டத்தில் அதி வேகமாக பரவி வரும் கொவிட் பரவல் காரணமாக இன்று முதல் மறு அறிவித்தல் வரை அனைத்து வர்த்தக செயற்பாடுகளும் கிளிநொச்சி சேவை சந்தையில் இடம்பெறாது

என கரைச்சி பிரதேச சபையினால் அறிவுறுத்தல் வழங்கப்பட்டது. அதற்கு அமைவாக இன்றைய தினம் சேவை சந்தையின் வர்த்தக நிலையங்கள் அனைத்தும் பூட்டப்பட்டு வெறிச்சோடி காணப்பட்டது. இதேவேளை மீன் உள்ளிட்ட வர்த்தக செயற்பாடுகள் வெளி இடங்களில் இடம்பெறுகின்றமையை அவதானிக்க முடிகின்றது.

கிளிநொச்சி சேவை சந்தைக்கு நாளாந்தம் ஆயிரக்கணக்கான மக்கள் அங்காடி சேவையை பெற்றுக்கொள்கின்றனர். இந்த நிலையில் வர்த்தக நிலைய ஊழியர்கள், உரிமையாளர்கள் உள்ளிட்டவர்களிற்கு கொவிட் பரவல் அதிகரித்தது. இதேவேளை நாளாந்தம் நுாறு தொற்றாளர்களை கடந்து மாவட்டத்தில் நேற்றைய தினம் 257 தொற்றாளர்கள்

அடையாளம் காணப்பட்டனர். இந்த நிலையில் மக்கள் அதிகம் நெருங்கும் பகுதிகளை தவிர்க்கும் வகையில் குறித்த செயற்பாடு முன்னெடுக்கப்பட்டது. மாவட்டத்தில் கொவிட் பரவலின் அதிகரிப்பு தொடர்பில் மக்கள் அவதானமாக செயற்பட வேண்டும் எனவும், கூடுகைகள், தேவையற்ற நடமாட்டங்களை தவிர்த்து

பாதுகாப்புடன் செயற்பட வேண்டும் எனவும் சுகாதார தரப்பினர் தொடர்ந்தும் அறிவுறுத்தல் வழங்கி வருகின்றமை குறிப்பிடத்தக்கது.

Previous articleடெல்டா தொற்று ஒருவரிடமிருந்து ஆறு பேருக்கு பரவும்!
Next articleயாழ்.மாவட்டத்தில் மேலும் இரு கொரோனா மரணங்கள்!