வவுனியாவில் இந்த திகதியில் முழுமையாக கடையடைப்பு : வெளியான அறிவிப்பு

நாட்டில் ஏற்பட்டுள்ள பொருளாதார பிரச்சினை மற்றும் அரசுக்கு எதிராக எதிர்வரும் 6 ஆம் திகதி வவுனியாவில் பூரண கடையடைப்பை மேற்கொள்ளத் தீர்மானிக்கப்பட்டுள்ளது.

வவுனியாவில் இன்று இணைந்த தொழிற்சங்கத்தின் ஏற்பாட்டில் தொழிற்சங்கங்கள், பொது அமைப்புக்கள் கூடி எடுத்த தீர்மானத்தின் பிரகாரம் 6 ஆம் திகதி அனைத்து கடைகள் மூடப்படும்.

மேலும் பேருந்துகள் சேவையில் ஈடுபடாது எனவும், முச்சக்கரவண்டிகல் சேவையில் ஈடுபடாமலும் இருக்கும் எனவும் தெரிவிக்கப்பட்டுள்ளதுடன் அரச திணைக்களங்கள், வங்கிகள், பல்கலைக்கழகம், ஆசிரியர் சங்கங்கள் தமது கடமையிலிருந்து விலகியிருக்கவும் தீர்மானித்துள்ளனர்.

இதேவேளை 6 ஆம் திகதி அரசாங்கத்துக்கு எதிராக பாரிய ஆர்ப்பாட்டமொன்றையும் நடத்த முடிவெடுக்கப்பட்டுள்ளது.

Previous articleயாழில் ஆங்கிலம் பேசியாதாக கூறி இளைஞன் ஒருவரை கொலை செய்த கும்பல்
Next articleநாட்டின் பல்வேறு பகுதிகளில் தனியார் பேருந்துகள் சேவை ரத்து!