நப்பிட்டிமுன்ன பிரதேசத்தின் வீதியோரங்களில் சட்டவிரோதமான முறையில் மீன் வியாபாரம் செய்வதை முற்றாகத் தடைசெய்ய சம்பந்தப்பட்ட அதிகாரிகள் துரித நடவடிக்கை எடுத்ததையடுத்து மக்கள் தமது பாராட்டுக்களை தெரிவித்துள்ளனர்.
சட்டவிரோத மீன் விற்பனையால் வீதி போக்குவரத்து பாதிக்கப்படுவதாக சில தினங்களுக்கு முன்னர் செய்தி வெளியான நிலையில், கல்முனை மாநகர சபை இன்று (2) காலை அதனை அகற்ற நடவடிக்கை எடுத்துள்ளது.
இதன்படி அம்பாறை மாவட்டம் கல்முனை மாநகர சபைக்குட்பட்ட நப்பிட்டிமுனை பிரதேசத்தின் பிரதான சந்தியில் அனுமதியின்றி மீன் விற்பனை செய்த இடங்களை மாநகர சபை அதிகாரிகள் அடையாளம் கண்டு அகற்ற நடவடிக்கை எடுத்தனர்.
இதன்போது, வீதியோரங்களில் மீன் வியாபாரிகள் வைத்த மேசைகள் உள்ளிட்ட மரச்சாமான்கள் நகராட்சி உழவு இயந்திரங்களில் ஏற்றப்பட்டுள்ளன.
கடந்த 1 வருடமாக இவ்வாறான செயற்பாடுகள் தொடர்வதால் பிரதான வீதியில் பயணிக்கும் மக்கள் அசௌகரியங்களுக்கு முகம் கொடுத்து வருவதுடன், வீதியை ஆக்கிரமித்து இவ்வாறான மீன் விற்பனைகள் இடம்பெற்று வீதி விபத்துக்களும் ஏற்பட்டுள்ளமை சுட்டிக்காட்டத்தக்கது.
மீன் விற்பனையில் ஈடுபடும் மக்களுக்கு மாநகர சபை அதிகாரிகள் அறிவுறுத்தல்களை விடுத்துள்ளதுடன் எதிர்காலத்தில் வீதியோரங்களில் மீன்களை விற்பனை செய்ய வேண்டாம் எனவும் எச்சரிக்கை விடுத்துள்ளனர்.
