மன்னார் நொச்சிக்குளம் இரட்டைப் படுகொலைச் சம்பவம் தொடர்பில் சரணடைந்த சந்தேகநபர்களை எதிர்வரும் 30ஆம் திகதி (30-09-2022) வரை விளக்கமறியலில் வைக்குமாறு மன்னார் நீதவான் உத்தரவிட்டுள்ளார்.
சந்தேகநபர்கள் 20 பேரும் மன்னார் நீதிமன்றத்தில் வெள்ளிக்கிழமை (16-09-2022) மன்னார் நீதவான் முன்னிலையில் ஆஜர்படுத்தப்பட்ட போதே இந்த கைது உத்தரவு பிறப்பிக்கப்பட்டுள்ளது.
மேலும் சம்பவ இடத்தில் சேகரிக்கப்பட்ட ரத்த மாதிரி, இரண்டு கோடரி போன்ற ஆதாரங்களை பகுப்பாய்வு துறைக்கு அனுப்ப போலீசார் நீதிமன்றத்தின் அனுமதியை கோரியபோது நீதிமன்றத்தால் உத்தரவு பிறப்பிக்கப்பட்டது.
இதன் போது, பொலிஸ் உத்தியோகத்தர் ஒருவரை நியமித்து மேற்படி சாட்சியங்களை பகுப்பாய்வு திணைக்களத்திற்கு அனுப்பி வைக்குமாறு நீதிவான் உத்தரவிட்டார்.
இந்த நிலையில், சந்தேகநபர்கள் 20 பேரையும் எதிர்வரும் 30ஆம் திகதி வரை விளக்கமறியலில் வைக்குமாறு நீதிவான் உத்தரவிட்டார்.
மன்னார் நொச்சிக்குளத்தில் கடந்த ஜூன் மாதம் 10ஆம் திகதி இடம்பெற்ற சம்பவத்தில் உயிலங்ககுளம் பகுதியைச் சேர்ந்த சகோதரர்கள் இருவர் படுகொலை செய்யப்பட்டனர்.
இந்த சம்பவம் தொடர்பாக 20 பேர் கைது செய்யப்பட்டு சிறையில் அடைக்கப்பட்டுள்ளனர்.
இந்த இரட்டைக் கொலைச் சம்பவம் தொடர்பில் உயிலங்குளம் மற்றும் தலை மன்னார் பொலிஸ் உத்தியோகத்தர்களும் மன்னார் குற்றத்தடுப்புப் பொலிஸாரும் விசாரணைகளை முன்னெடுத்து வருகின்றமை குறிப்பிடத்தக்கது.
