8 வயது சிறுமியை பாலியல் பலாத்காரம் செய்த நபரை போலீசார் கைது செய்தனர்.
சம்பவம் தொடர்பில் சந்தேகத்தின் பேரில் சிறுமியின் தாயின் இரண்டாவது கணவர் கைது செய்யப்பட்டுள்ளதாக மொரட்டுவ பொலிஸார் தெரிவித்தனர்.
மொரட்டுவ, பொல்கொடுவ வீதியிலுள்ள வீடொன்றில் வசிக்கும் சமிந்த குமார (வயது 44) என்பவரே இவ்வாறு கைது செய்யப்பட்டுள்ளார்.
கடந்த ஞாயிற்றுக்கிழமை பள்ளியில் இருந்து வீட்டிற்கு வந்த சிறுமி, மாலை ஆங்கில வகுப்புக்கு சென்றபோது, தனக்கு உடலில் கடுமையான வலி இருப்பதாக ஆசிரியையிடம் கூறியுள்ளார்.
இதனையடுத்து, இது குறித்து சிறுமியின் தாயாருக்கு தெரிவித்த ஆசிரியர், சிறுமிக்கு சிகிச்சை அளிக்குமாறு கூறியுள்ளார். அதன் பின்னர் சிறுமியை வீட்டுக்கு அழைத்து வந்த தாய், சிறுமியிடம் நோய்க்கான காரணங்களை கேட்ட போது நடந்ததை கூறியுள்ளார்.
கைது செய்யப்பட்ட சந்தேக நபர் இன்று (21) மொரட்டுவ நீதவான் நீதிமன்றில் முன்னிலைப்படுத்தப்பட்ட நிலையில் எதிர்வரும் 4 ஆம் திகதி வரை விளக்கமறியலில் வைக்கப்பட்டுள்ளார்.
