ரணில் பிறப்பித்துள்ள கடுமையான உத்தரவு – மீறினால் சட்ட நடவடிக்கை !

தலைநகர் கொழும்பில் உள்ள முக்கிய பகுதிகளை அதியுயர் பாதுகாப்பு வலயமாக மாற்றுவதற்கான வர்த்தமானி அறிவித்தலை ஜனாதிபதி ரணில் விக்கிரமசிங்க நேற்று வெளியிட்டார்.

இந்த உத்தரவுகளை நடைமுறைப்படுத்துவதற்கான தகுதியான அதிகாரியாக பாதுகாப்பு செயலாளர் நியமிக்கப்பட்டுள்ளார்.

மேல் மாகாண சிரேஷ்ட பிரதிப் பொலிஸ் மா அதிபரின் அனுமதியின்றி அதியுயர் பாதுகாப்பு வலயங்களில் ஊர்வலமோ, பொதுக் கூட்டமோ நடத்த முடியாது.

பாதுகாப்பு வலயத்திற்குள் பட்டாசு வெடிக்க தடை விதிக்கப்பட்டுள்ளது. இதை மீறுபவர்கள் மீது கடும் சட்ட நடவடிக்கை எடுக்கப்படும் என அறிவிக்கப்பட்டுள்ளது.

இந்த வர்த்தமானியை வெளியிடுவதற்காக, நாடாளுமன்ற வளாகம் மற்றும் அதனைச் சுற்றியுள்ள பகுதி, ஜனாதிபதி செயலகம், ஜனாதிபதி மாளிகை, பிரதமர் அலுவலகம், அலரி மாளிகை, உச்ச நீதிமன்றம் உள்ளிட்ட நீதிமன்ற வளாகம், கொழும்பு நீதவான் நீதிமன்ற வளாகம், சட்டமா அதிபர் திணைக்களம், இராணுவத் தலைமையகம், விமானப்படைத் தலைமையகம், கடற்படைத் தலைமையகம். , பொலிஸ் தலைமையகம், பாதுகாப்புச் செயலாளர் மற்றும் முப்படைத் தளபதிகளின் அலுவலகங்கள் மற்றும் அதனைச் சூழவுள்ள பகுதிகள் உயர் பாதுகாப்பு வலயங்களாக அறிவிக்கப்பட்டுள்ளமை குறிப்பிடத்தக்கது.

Previous articleஉயிர் பிரியும் தருணத்தில் மூவருக்கு செய்த இளைஞரொருவரின் நெகிழ்ச்சியான செயல் !
Next articleயாழில் மாயமான மாணவி சோகத்தில் குடும்பத்தினர்!