யாழில் தொலைபேசி விற்பனை நிலையத்திற்குள் புகுந்து வாள்வெட்டு தாக்குதல் நடத்தியவர் கைது செய்யப்பட்டுள்ளதாக பொலிஸார் தெரிவித்துள்ளனர்.
இச்சம்பவமானது யாழ்.நகரில் இடம்பெற்றுள்ளது.
நான்கு பேர் கொண்ட கும்பல் ஒன்றினால் இந்த வாள்வெட்டுத் தாக்குதல் நடத்தப்பட்டுள்ளது. இந்தக் கும்பலைச் சேர்ந்த சந்தேக நபர் ஒருவர் ஏற்கனவே நீதிமன்றத்தில் சரணடைந்துள்ள நிலையில்,
முக்கிய குற்றவாளி மற்றும் மற்றவர்களை போலீசார் தேடி வந்தனர். பிரதான சந்தேகநபர் நேற்றைய தினம் யாழ்ப்பாணம் பகுதியில் நடமாடிக் கொண்டிருந்த போது, யாழ்.மாவட்ட பொலிஸ் விசாரணைப் பிரிவினரால் கைது செய்யப்பட்டுள்ளார்.
கைது செய்யப்பட்ட சந்தேக நபர் யாழ்ப்பாணம் பொலிஸாரிடம் ஒப்படைக்கப்பட்டுள்ளார். கைது செய்யப்பட்டவர் தெல்லிபாப்பைச் சேர்ந்த 34 வயதுடையவர் என பொலிஸார் தெரிவித்தனர்.
