சுபகிருது வருடம் மார்கழி மாதம் 22 ஆம் திகதி வெள்ளிக்கிழமை 6.1.2023. சந்திர பகவான் இன்று மிதுன ராசியில் பயணம் செய்கிறார். இன்று அதிகாலை 02.56 மணி வரை சதுர்த்தசி. பின்னர் பௌர்ணமி. இன்று முழுவதும் திருவாதிரை. அனுஷம், கேட்டை நட்சத்திரத்தில் பிறந்தவர்களுக்கு சந்திராஷ்டமம். சற்று கவனமுடனும் எச்சரிக்கையுடனும் நடந்துகொள்வது அவசியம்.
மேஷம் முதல் மீனம் வரையுள்ள 12 ராசிக்காரர்களுக்கும் பலன்கள் எப்படி இருக்கிறது என்று பார்க்கலாம்.
மேஷம்
வேலையிடத்தில் ஏற்படும் சிக்கலை வீட்டுக்குக் கொண்டு வராதீர்கள். புதிய தொழிலில் அதிக முதலீடு செய்யாதீர்கள். பங்குப் பரிவர்த்தனையில் எச்சரிக்கையாக இருங்கள். ரியல் எஸ்டேட் தொழிலில் கவனமாக செயல்படுங்கள். மேலதிகாரி மனப்போக்கு அறிந்து நடந்து கொள்ளுங்கள். வீண் பிடிவாதம் செய்யாதீர்கள்.
ரிஷபம்
கம்பெனி வளர்ச்சிக்காக கடுமையாகப் பாடுபடுவீர்கள். கணினித் துறை, கட்டுமானத் தொழில் லாபம் அடைவீர்கள். பணத்திற்கு ஆசைப்பட்டு பாதகமான செயல்களில் இறங்காதீர்கள். திருமண ஏற்பாடு செய்வீர்கள். பெரிய மனிதர்களின் சந்திப்பால் உங்கள் அந்தஸ்தை உயர்த்திக் கொள்வீர்கள்.
மிதுனம்
எந்தக் காரியத்திலும் நிலையான முடிவெடுக்கத் தடுமாறுவீர்கள். காதலித்த பெண்ணால் புதிய சிக்கலை சந்திப்பீர்கள். அரசு வேலையில் சட்டத்தை மீறி நடக்காதீர்கள். வாகனங்களில் செல்லும்போது எச்சரிக்கை தேவை. ரத்த காயங்கள் அடைவீர்கள். கொடுத்த பணத்தை திருப்பி கேட்டு கெட்ட பெயர் வாங்குவீர்கள்.
கடகம்
பைனான்ஸ் தொழிலில் பக்குவமாக நடந்து கொள்ளுங்கள். கடன் கொடுத்தால் எழுதி வாங்கிக் கொள்ளுங்கள். அடுத்தவருக்காக ஜாமீன் கொடுக்காதீர்கள். நல்ல நண்பர்களின் ஆலோசனைப்படி நடந்து கொள்ளுங்கள். வேலை இடங்களில் வீண் விவாதங்கள் செய்யாதீர்கள். வியாபாரத்தில் எதிர்பார்த்த பலன் கிடைக்காமல் சங்கடப்படுவீர்கள்.
சிம்மம்
விருப்பப்பட்ட பட்டப் படிப்பில் பிள்ளைகளை சேர்ப்பீர்கள். நண்பர்களின் உதவியால் அனுகூலமான பலன் பெறுவீர்கள். கண்ணியமாக பேசி காதலை வெளிப்படுத்துவீர்கள். அடுத்தவருக்கு உதவி செய்து அந்தஸ்தை உயர்த்தி கொள்வீர்கள். ஆடை ஆபரணங்கள் வாங்கி குடும்பத்தினரை மகிழ்ச்சியில் ஆழ்த்துவீர்கள்.
கன்னி
வெளியூர் பயணங்களின் மூலம் தொழிலுக்கு தேவையான ஆர்டர்களை பெறுவீர்கள். வியாபார விருத்திக்கான ஏற்பாடுகளை செய்வீர்கள். முதுகு தண்டு பிரச்சனைக்கு தீர்வு காண்பீர்கள். உறவுகளை இணைப்பதற்காக உற்சாகமாக செயல்படுவீர்கள்.
துலாம்
குடும்பப் பெண்களின் குழப்பத்தை தீர்ப்பீர்கள். மனைவியின் கர்ப்பப்பையில் ஏற்பட்ட பிரச்சனைக்காக மருத்துவரை சந்திப்பீர்கள். இடம் விற்பனையில் கணிசமான லாபம் பார்ப்பீர்கள். பொதுப்பணித்துறையில் அரசாங்க ஒப்பந்தங்களை பெறுவீர்கள். அரசியலில் கலக்கி முக்கிய இடத்தை பிடிப்பீர்கள்.
விருச்சிகம்
எந்தக் காரியத்திலும் இழுபறியான நிலையை சந்திப்பீர்கள். உத்தியோகத்தில் வீண் அலைச்சலால் டென்ஷன் அடைவீர்கள். கடன் வாங்கும் விஷயத்தில் அவசரம் காட்டாதீர்கள். எதிர்பார்த்த வங்கிக் கடனை தாமதமாக பெறுவீர்கள். அடுத்தவர் பேச்சைக் கேட்டு புதிய தொழில் தொடங்காதீர்கள். வியாபாரத்தில் சிக்கலை எதிர் நோக்குவீர்கள். சந்திராஷ்டம நாள்.
தனுசு
எதையும் செய்து முடிக்கும் துணிச்சல் பெறுவீர்கள். நீண்ட நாளாக இருந்த பிரச்சனைக்குத் தீர்வு காண்பீர்கள். ஊழியர்களால் உற்பத்தியை பெருக்குவீர்கள். குடும்பத்தில் உங்கள் மதிப்பைக் கூட்டுவீர்கள். மாணவர்கள் அக்கறையுடன் படித்து தேர்ச்சி பெறுவார்கள். நண்பரிடமிருந்து எதிர்பார்த்த உதவி கிடைக்காமல் சிரமப்படுவீர்கள்.
மகரம்
ஓய்வு இல்லாத வேலையால் நேரத்துக்கு சாப்பிடாமல் வயிற்று கோளாறால் அவதிப்படுவீர்கள். அரசாங்க வேலையில் ஏற்பட்ட பிரச்சனையை சாதுரியமாக சமாளிப்பீர்கள். தான் என்ற ஆணவத்தோடு பேசாதீர்கள். காதலி டாட்டா காட்டி விட்டு சென்று விடுவார். வியாபாரப் போட்டியால் மனம் துவண்டு போவீர்கள். அலட்சியமாக பணி செய்தால் வேலையை இழப்பீர்கள். .
கும்பம்
வீட்டில் மங்கல காரியங்களுக்குத் தேவையான ஏற்பாடுகளைச் செய்வீர்கள். அனைவரிடமும் நல்ல நட்பைப் பேணுவீர்கள். உத்தியோகத்தில் இருப்பவர்கள் திறமையாகப் பணி செய்து பாராட்டைப் பெறுவீர்கள். தொழில் வியாபாரத்திலிருந்த மந்த நிலையை மாற்றுவீர்கள்.
மீனம்
மிகுந்த போராட்டத்திற்கு பின்னர் அரசு வேலையில் சேருவீர்கள். தொழிலில் முன்னேற்றமடைந்து லாபத்தை பெருக்குவீர்கள். வாக்கு திறமையால் சுற்றுவட்டாரத்தில் செல்வாக்கை அதிகரிப்பீர்கள்.
