பொங்கல் தினத்தில் ஜனாதிபதி ரணில் வெளியிட்ட வாழ்த்துச் செய்தி!

நாட்டின் உணவுப் பாதுகாப்பு மற்றும் போஷாக்கை உறுதிப்படுத்தும் வகையில் தன்னிறைவு பெற்ற நாட்டைக் கட்டியெழுப்பும் அரசாங்கத்தின் முயற்சிகளுக்கு இவ்வருட தைப் பொங்கல் பண்டிகை ஒரு அர்த்தமுள்ள சந்தர்ப்பமாக கருதுவதாக ஜனாதிபதி ரணில் விக்கிரமசிங்க தனது பொங்கல் வாழ்த்துச் செய்தியில் தெரிவித்துள்ளார்.

ஜனாதிபதி தனது வாழ்த்துச் செய்தியில், “உழவர்களின் திருநாளான தைப் பொங்கல் திருநாளில் தமிழர்களுக்கு வாழ்த்துக்களைத் தெரிவிப்பதில் நான் மிகவும் மகிழ்ச்சியடைகிறேன்.

விவசாயத்துடன் தொடர்புடைய தைப் பொங்கல் பண்டிகையின் போது, ​​அபரிமிதமான விளைச்சல் கிடைக்க சூரிய பகவானை பிரார்த்திப்போம்.

கிழக்காசியாவின் தானியக் களஞ்சியம் என்று அழைக்கப்படும் இலங்கையில் உணவுப் பாதுகாப்பையும் ஊட்டச்சத்தையும் உறுதிசெய்து தன்னிறைவு பெற்ற நாட்டைக் கட்டியெழுப்பும் அரசாங்கத்தின் முயற்சிகளுக்கு இவ்வருட தைப் பொங்கல் அர்த்தமுள்ள சந்தர்ப்பமாக அமையட்டும்.

விவசாயத்தை நவீனமயமாக்குவதில் அரசு அதிக கவனம் செலுத்தி வருகிறது. அதே நேரத்தில், சர்வதேச சந்தையின் போட்டித்தன்மையை அடிப்படையாகக் கொண்ட தொழில்நுட்பத்தின் அடிப்படையில் லாபகரமான விவசாயத்தை உருவாக்கவும் அரசாங்கம் எதிர்பார்க்கிறது.

அரசாங்கத்தின் புதிய பொருளாதார மற்றும் சமூக மறுசீரமைப்பு திட்டத்திற்கு பங்களிப்பதன் மூலம் பொருளாதார ரீதியில் வளமான நாட்டை கட்டியெழுப்புவதற்கு இந்த தைப் பொங்கல் தினத்தை ஒன்றிணைக்குமாறு அனைத்து இலங்கையர்களுக்கும் நான் வேண்டுகோள் விடுக்கின்றேன்.

இந்த பொங்கல் திருநாள் சூரிய பகவானை வழிபடவும், உலக மக்களுக்கு உணவளித்து உயிர் காக்கும் விவசாயிகளை போற்றவும் வரமாக அமைய பிரார்த்திக்கிறேன்.

மேலும், இந்த பொங்கல் திருநாளை இலங்கை மற்றும் உலகம் முழுவதும் வாழும் தமிழர்கள் அனைவரும் சிறப்பாக கொண்டாட வாழ்த்துகளை தெரிவித்துக் கொள்கிறேன் என்றார்.

Previous articleஅமைச்சராக களமிறங்கவுள்ள ஜீவன் தொண்டமான்!
Next articleயாழில் பொங்கள் விழாவை சிறப்பிக்க வந்த ஜனாதிபதி ரணில் !