கொழும்பு பல்கலைக்கழக மாணவியின் உயிரை பறித்த காதலனை எதிர்வரும் 30ஆம் திகதி வரை விளக்கமறியலில் வைக்குமாறு நீதவான் உத்தரவிட்டுள்ளார்.
நேற்று நண்பகல் கொழும்பு பல்கலைக்கழகத்தில் 3ஆம் வருட மாணவி ஒருவர் தனது காதலனால் கத்தியால் குத்தி கொல்லப்பட்டுள்ளார்.
கொழும்பு – 07, குதிரை பந்தய மைதானத்தில் மாணவியின் சடலம் இரத்த வெள்ளத்தில் கிடந்தது. உயிரிழந்த மாணவி ஹோமாகம பிரதேசத்தைச் சேர்ந்த 24 வயதுடைய மாணவி என அடையாளம் காணப்பட்டுள்ளார்.
மேலும், கொலையாளியாகக் கூறப்பட்டவர் வெல்லம்பிட்டி பகுதியைச் சேர்ந்த கொலன்னா பல்கலைக்கழக மாணவர் ஆவார்.
ஸ்தலத்தில் நீதி விசாரணையின் பின்னர் சடலம் கொழும்பு தேசிய வைத்தியசாலையின் பிரேத அறையில் வைக்கப்பட்டுள்ளதுடன் மேலதிக நடவடிக்கைகள் மேற்கொள்ளப்பட்டன.
இதன்போது, சந்தேகத்தின் பேரில் காதலர் என கூறப்படும் நபரை கைது செய்து மூன்று மணித்தியாலங்கள் தடுத்து வைத்து விசாரணைகளை மேற்கொண்ட பொலிஸார், அவரை கொழும்பு நீதவான் நீதிமன்றில் ஆஜர்படுத்தினர்.
இந்த நிலையில், 24 வயதுடைய சந்தேக நபரை எதிர்வரும் 30ஆம் திகதி வரை விளக்கமறியலில் வைக்குமாறு நீதிவான் உத்தரவிட்டார்.
