வவுனியாவில் இரண்டு பேருந்துகள் உட்பட மூன்று வாகனங்கள் ஒன்றுடன் ஒன்று மோதி விபத்துக்குள்ளானதில் ஒருவர் காயமடைந்து வைத்தியசாலையில் அனுமதிக்கப்பட்டுள்ளதாக தெரிவிக்கப்பட்டுள்ளது.
இந்த விபத்து இன்று (23-01-2023) பிற்பகல் இடம்பெற்றுள்ளது.
வவுனியா – கொழும்பு 15 வழித்தட தனியார் பேருந்தும், வவுனியா புதிய பேருந்து நிலையத்தில் இருந்து பயணத்தை ஆரம்பித்த வவுனியா – கொழும்பு 87 வழித்தட தனியார் பேருந்தும் இரண்டுக்கும் இடையிலான போட்டி காரணமாக பயணித்துள்ளன.
இரண்டு பேருந்துகளும் பழைய பேருந்து நிலையத்தை அண்மித்த போது, வவுனியா-கொழும்பு 15 வழித்தட தனியார் பேருந்து இரண்டாவது குறுக்குத் தெருவில் இருந்து கண்டி பிரதான வீதிக்கு மோட்டார் சைக்கிளில் ஏற முற்பட்ட பின்னர் திடீரென பேருந்தை நிறுத்தியது.
இதன்போது பின்னால் வந்த வவுனியா – கொழும்பு 87 வழித்தட தனியார் பேரூந்து முன்னால் நின்ற பேருந்துடன் மோதியதுடன் முன்னால் நின்ற பேருந்து வீதியை மாற்ற முற்பட்ட மோட்டார் சைக்கிள் மீது மோதி விபத்துக்குள்ளானது.
இச்சம்பவத்தில் மோட்டார் சைக்கிளில் பயணித்த பெண் ஒருவர் படுகாயமடைந்துள்ளதுடன் மோட்டார் சைக்கிள் மற்றும் பஸ்கள் இரண்டும் பகுதியளவில் சேதமடைந்துள்ளன.
சம்பவ இடத்திற்கு விரைந்த வவுனியா போக்குவரத்து பொலிஸார் விபத்து தொடர்பான மேலதிக விசாரணைகளை மேற்கொண்டுள்ளனர்.
