புத்தளம் – மன்னார் வீதியின் 2ஆம் பிரிவில் உள்ள உடையார் குளத்தில் இருந்து ஆண் ஒருவரின் சடலம் மீட்கப்பட்டுள்ளதாக பொலிஸார் தெரிவித்தனர்.
சடலமாக மீட்கப்பட்டவர் நேற்று (02-02-2023) காலை வீட்டை விட்டு வெளியே சென்று வரவில்லை என சடலமாக மீட்கப்பட்டவரின் பிள்ளைகள் இன்று (03-02-2023) காலை அவரது உறவினர்களுக்கு அறிவித்துள்ளனர்.
இதனையடுத்து இன்று காலை முதல் குறித்த நபரை தேடி வந்ததாக உறவினர்கள் தெரிவித்துள்ளனர்.
பின்னர், அப்பகுதியில் உள்ள குளம் அருகே அவரது ஆடைகள் மற்றும் செருப்புகள் கண்டெடுக்கப்பட்டன.
இதையடுத்து, ஓரிரு குளங்களில் உறவினர்கள், கிராம மக்கள் தேடுதல் வேட்டையில் ஈடுபட்டு வருகின்றனர்.
காணாமல் போன நபர் நேற்று நண்பகல் 12 மணியளவில் குளத்தில் இருந்து சடலமாக மீட்கப்பட்டதாக பொலிஸார் தெரிவித்தனர்.
இதேவேளை புத்தளம் பிரதேசத்திற்கு பொறுப்பான திடீர் மரண விசாரணை அதிகாரி மற்றும் பொலிஸார் சம்பவ இடத்திற்கு சென்று சடலமாக மீட்கப்பட்ட நபரை பார்வையிட்டனர்.
இது கொலையாக இருக்கலாம் என சந்தேகித்து இறந்தவரின் உறவினர்கள் திடீர் மரண விசாரணை அதிகாரியிடம் முறையிட்டுள்ளனர்.
உறவினர்களின் முறைப்பாட்டுக்கு அமைய நீதவான் முன்னிலையில் முதற்கட்ட விசாரணைகளை ஆரம்பிக்குமாறு திடீர் மரண விசாரணை அதிகாரி உத்தரவிட்டுள்ளார்.
சடலமாக மீட்கப்பட்டவர் 5 பிள்ளைகளின் தந்தையான 49 வயதான மொஹமட் சுஹைல் என பொலிஸார் தெரிவித்தனர்.
சடலம் புத்தளம் ஆதார் வைத்தியசாலையில் பிரேத அறையில் வைக்கப்பட்டுள்ளதுடன், மேலதிக விசாரணைகளை புத்தளம் பொலிஸார் மேற்கொண்டு வருகின்றனர்.
