யாழ்ப்பாணத்தில் இருந்து கொழும்புக்கு சட்டவிரோதமான முறையில் மாடுகளை ஏற்றிச் சென்ற கொழும்புவாசிகள் உட்பட மூவர் கைது செய்யப்பட்டுள்ளனர்.
இந்நிலையில், ஒரு மாடு இறந்து கிடந்ததுடன், மேலும் நான்கு மாடுகள் உயிருடன் மீட்கப்பட்டன. பலாலி பொலிஸ் பிரிவுக்குட்பட்ட பலாலை பகுதியில் வீதி ரோந்து நடவடிக்கையில் ஈடுபட்டிருந்த பலாலி பொலிஸார் சந்தேகத்திற்கிடமான வகையில் வாகனமொன்றை மறித்து சோதனையிட்டுள்ளனர்.
அப்போது, சிறிய வாகனத்தில் இடம் இல்லாமல், ஐந்து மாடுகளும் மிக நெருக்கமாக அடைத்து வைக்கப்பட்டு, சித்திரவதை செய்யப்பட்டு, சட்டவிரோதமாக கொழும்புக்கு கடத்தப்பட்டதை கண்டுபிடித்தனர்.
அதனையடுத்து வாகனம் மற்றும் இறந்த மாடு ஒன்று உட்பட 5 மாடுகளை மீட்ட பொலிஸார், கொழும்பு 14 பகுதியைச் சேர்ந்த இருவரையும் அச்சுவேலி தோப் பகுதியைச் சேர்ந்த ஒருவரையும் கைது செய்துள்ளனர்.
அத்துடன் வலிகாமம் பிரதேசங்களில் மாடு திருட்டு சம்பவங்கள் அதிகரித்துள்ளதாக பொலிஸ் நிலையங்களில் முறைப்பாடுகள் பதிவு செய்யப்பட்டு வருகின்ற நிலையில், குறித்த மாடுகள் திரியும் மாடுகளாக இருக்கலாம் என பொலிஸார் சந்தேகம் வெளியிட்டுள்ளனர்.
