நீர்கொழும்பில் உள்ள பிரபல பாடசாலை ஒன்றில் சிறுவர் தினத்தை முன்னிட்டு மாணவர்களுடன் நடனமாடிய ஆசிரியர்களுக்கு எதிராக நடவடிக்கை எடுக்க வேண்டிய அவசியமில்லை என தீர்மானிக்கப்பட்டுள்ளது.
மேல்மாகாண கல்விப் பணிப்பாளரினால் இது தொடர்பான தீர்மானம் எடுக்கப்பட்டுள்ளதாக தெரியவருகிறது.
குழந்தைகள் தினத்தில் நடனமாடி மகிழ்ந்த பள்ளி ஆசிரியர்கள் மீது ஒழுக்காற்று விசாரணை நடத்தக் கூடாது என கோரிக்கை விடுக்கப்பட்டுள்ளது.
நீர்கொழும்பு பிரதேசத்தில் உள்ள பிரபல பாடசாலையொன்றில் தேசிய சிறுவர் தினத்தை முன்னிட்டு பெண் ஆசிரியர்கள் மாணவர்களுடன் நடனமாடினர்.
இவ்வாறு நடனமாடிய ஆசிரியர்களுக்கு எதிராக ஒழுக்காற்று விசாரணை நடத்த மேல் மாகாண கல்வி திணைக்களம் தீர்மானித்துள்ளது.
எவ்வாறாயினும், இந்த ஒழுக்காற்று விசாரணை தீர்மானத்திற்கு இலங்கை ஆசிரியர் சங்கம் மற்றும் இலங்கை ஆசிரியர் சேவை சங்கம் கடும் எதிர்ப்பை வெளியிட்டுள்ளன.
தகாத பாடலுக்கு நடனமாடியதாக ஆசிரியர்கள் மீது குற்றம் சாட்டப்பட்டது. 1940 களின் திரைப்படத்தின் ஒரு பாடலுக்கு ஆசிரியர்கள் நடனமாடினார்கள்.
பாடசாலைகளில் ஆசிரியைகள் நடனமாடுவது தவறு என எவராலும் கூற முடியாது எனவும், நடன ஆசிரியர்கள் நடனமாடியே சிறுவர்களுக்கு கற்பிக்கின்றனர் எனவும் இலங்கை ஆசிரியர் சங்கத்தின் தலைவர் பிரியந்த பெர்னாண்டோ தெரிவித்துள்ளார்.
நடனத்திற்காக தெரிவு செய்யப்பட்ட பாடல்கள் ஆசிரியர்களால் தெரிவு செய்யப்படவில்லை என அவர் சுட்டிக்காட்டியுள்ளார்.
சிறு சிறு சம்பவங்கள் தொடர்பில் விசாரணை நடத்த அதிகாரிகள் தீவிர அக்கறை காட்டி வருகின்ற போதிலும், அரசியல்வாதிகளினால் ஆசிரியர்கள் மற்றும் அதிபர்கள் அச்சுறுத்தப்படுவதை தடுப்பதற்கு எவ்வித நடவடிக்கையும் எடுக்கப்படவில்லை என அவர் குறிப்பிட்டுள்ளார்.
