வடமராட்சி கிழக்கு வெற்றிலைக்கேணி விபத்தில் படுகாயமடைந்த வடமராட்சி கிழக்கு பிரதேச செயலக அதிகாரி ஒருவர் உயிரிழந்துள்ள சம்பவம் சோகத்தை ஏற்படுத்தியுள்ளது.
வேம்படி உடுத்துறையைப் பிறப்பிடமாகவும், தேயுலையை வசிப்பிடமாகவும் கொண்ட லதன் என்றழைக்கப்படும் உத்தியோகத்தன் இவ்வாறு உயிரிழந்துள்ளார்.
நேற்றுமுன்தினம் வெற்றிலைக்கேணியில் இடம்பெற்ற விபத்தில் இருவர் பலத்த காயங்களுடன் வைத்தியசாலையில் அனுமதிக்கப்பட்டுள்ளனர். சம்பவத்தில் படுகாயமடைந்த மருதங்கேணி பிரதேச செயலக ஊழியர் ஆபத்தான நிலையில் சிகிச்சை பெற்று வந்த நிலையில் சிகிச்சை பலனின்றி இன்று உயிரிழந்துள்ளார்.
மருதங்கேணி பிரதேச செயலகப் பிரிவில் கடமையாற்றும் அலியாவளையைச் சேர்ந்த இளம் குடும்பஸ்தர் ஒருவரே சம்பவத்தில் உயிரிழந்துள்ளார்.
ஆசிரியையான தனது மனைவியை வெற்றிலிகேணியிலுள்ள பாடசாலை ஒன்றில் இறக்கிவிட்டு அலியாவெலக்கு திரும்பிய போது அவர் அணிந்திருந்த தலைக்கவசத்தின் பட்டா இணைக்கப்படாமல் தலைக்கவசம் கழன்று விழுந்துள்ளதாக தெரிவிக்கப்படுகின்றது.
கடற்கரையிலிருந்து பிரதான வீதிக்கு மோட்டார் சைக்கிளில் வந்த நபரும் பிரதேச செயலக உத்தியோகத்தரும் விபத்தில் சிக்கியுள்ளனர்.
ஆபத்தான நிலையில் இருந்த பிரதேச செயலக உத்தியோகத்தர் பருத்துரை ஆதார வைத்தியசாலைக்கு அனுப்பி வைக்கப்பட்டு மேலதிக சிகிச்சைக்காக யாழ்.போதனா வைத்தியசாலைக்கு மாற்றப்பட்டுள்ளார்.
