பிரபல பாலிவுட் நடிகர் சுஷாந்த் சிங் ராஜ்புத்தின் மரணம் கொலைதான் என சுஷாந்த் சிங் ராஜ்புத்தின் பிரேத பரிசோதனையின் போது அங்கிருந்த பிணவறை ஊழியர் ஒருவர் பரபரப்பு செய்தியை தெரிவித்துள்ளார்.
பிரபல பாலிவுட் நடிகர் சுஷாந்த் சிங் ஜூன் 14, 2020 அன்று இறந்து கிடந்தார்.
அவரது மரணத்தில் பல்வேறு சந்தேகங்கள் இருந்ததால், மும்பை போலீசார் நடத்திய விசாரணை மத்திய புலனாய்வு பிரிவுக்கு (சிபிஐ) மாற்றப்பட்டது.
இதனுடன் அமலாக்க இயக்குனரகம் மற்றும் மத்திய போதைப்பொருள் தடுப்புப் பிரிவினரும் நடிகரின் மரணம் குறித்து பல்வேறு கோணங்களில் விசாரணை நடத்தி வருகின்றனர்.
இந்நிலையில் சுஷாந்த் சிங் ராஜ்புத்தின் மரணம் குறித்த அதிர்ச்சி தகவல் வெளியாகியுள்ளது.
அவரது உடல் பிரேத பரிசோதனையின் போது, குழுவில் இருந்த ருப்குமார் ஷா, சுஷாந்த் தற்கொலை செய்து கொள்ளவில்லை என்றும், அவர் கொலை செய்யப்பட்டார் என்றும் கூறி பரபரப்பை ஏற்படுத்தியுள்ளார்.
இதுகுறித்து ரூப் குமார் கூறுகையில், “சுஷாந்த் சிங் இறந்த அன்று, எங்கள் கூப்பர் மருத்துவமனைக்கு 5 பேர் இறந்தனர். அதில் ஒன்று பிரபலத்தின் உடல் என்று கூறப்படுகிறது.
அங்கு சென்று பார்த்தபோதுதான் சுஷாந்த் சிங் ராஜ்புத்தின் சடலம் இருந்தது. அவரது உடலில் பல அடையாளங்களும் கழுத்தில் இரண்டு மூன்று காயங்களும் இருந்தன.
