லியோ படம்
லோகேஷ் கனகராஜ்- விஜய் கூட்டணியில் இரண்டாவது முறையாக வெளிவந்த திரைப்படம் லியோ. மாஸ்டர் படத்திற்கு பிறகு இவர்கள் இணைந்ததால் பெரிய எதிர்ப்பார்ப்பு இருந்தது, படமும் ரசிகர்களின் எதிர்ப்பார்ப்பை பூர்த்தி செய்துள்ளது.
ரூ. 250 முதல் ரூ. 300 கோடி வரையிலான பட்ஜெட்டில் தயாரான இப்படத்தில் விஜய்யை தாண்டி த்ரிஷா, சஞ்சய் தத், அர்ஜுன், மடோனா என பல கலைஞர்கள் நடித்தார்கள், அவர்கள் அனைவருக்குமே மக்களிடம் பாராட்டுக்கள் கிடைத்துள்ளது.
அனிருத் இசையமைப்பில் வெளிவந்த அனைத்து பாடல்களுக்கும் நல்ல ரெஸ்பான்ஸ் தான்.
முழு வசூல்
கடந்த அக்டோபர் 19ம் தேதி வெளியான இப்படம் நல்ல வசூல் வேட்டை நடத்த படக்குழுவும் நேற்று நவம்பர் 1, வெற்றிவிழா கொண்டாடினார்கள். விஜய்யின் பேச்சு சமூக வலைதளங்களில் வைரலாகி வருகிறது.
இந்த நிலையில் படம் மொத்தமாக இதுவரை ரூ. 550 கோடி வரை வசூல் சாதனை புரிந்துள்ளதாக கூறப்படுகிறது.
