நாட்டின் சுதந்திர தினத்தை முன்னிட்டு கொழும்பின் முக்கிய வீதி மூடப்படவுள்ளதாக போக்குவரத்து பொலிஸார் தெரிவித்துள்ளனர்.
அந்த வகையில், கொள்ளுப்பிட்டி சந்தியிலிருந்து காலி முகத்திடலுக்கும், செரமிக் சந்தியிலிருந்து காலி முகத்திடலுக்குமான காலி வீதியே இவ்வாறு மூடப்படப்படவுள்ளது.
அதன்படி ஜனவரி 29 முதல் பெப்ரவரி 2 வரை காலை 6 மணி முதல் 8.30 மணி வரையும், 11 மணி முதல் மதியம் 12.30 மணி வரையிலும் மற்றும் பெப்ரவரி 3 ஆம் திகதி பிற்பகல் 2 மணி முதல் பெப்ரவரி 4 ஆம் திகதி சுதந்திர தின வைபவம் முடியும் வரை குறித்த வீதி மூடப்படவுள்ளமை குறிப்பிடத்தக்கது.
