இலங்கையின் தலைநகர் கொழும்பின் புறநகர்ப் பகுதியான படுக்காவில் பலரது உயிரைக் காப்பாற்றி உயிரிழந்த சிறுமி குறித்த தகவல் வெளியாகியுள்ளது.
கடந்த 15 ஆம் திகதி தரம் 10 இல் கல்வி கற்கும் நிசாலி லோசதி கிரிவெந்தலா என்ற 15 வயது மாணவி தனது உடல் உறுப்புகளை தானம் செய்த நிலையில் உயிரிழந்துள்ளார்.
கடந்த 3ஆம் திகதி உயர்தர வகுப்புக்குச் சென்றுவிட்டு நண்பர் ஒருவருடன் மோட்டார் சைக்கிளில் வந்து கொண்டிருந்த போது, மேகொட பாதுக்க வீதியில் வட்டரக புகையிரத நிலையத்திற்கு அருகில் முச்சக்கரவண்டி மோதியதில் பலத்த காயமடைந்தார்.
மருத்துவமனையில் தீவிர சிகிச்சைப் பிரிவில் சிகிச்சை பெற்று வந்த நிலையில் உயிரிழந்த மகளின் இதயம், சிறுநீரகம், நுரையீரல், கண்கள் உள்ளிட்ட 8 உடல் உறுப்புகள் பலருக்கு தானமாக வழங்கப்பட்டதாகத் தெரிவிக்கப்படுகிறது.
