மொபைல் போனை பைபில் வைத்துக்கொண்டே இருசக்கர வாகனத்தில் சென்ற பெண்ணின் செல்போன் போனின் பேட்டரி வெடித்துள்ள சம்பவம் அதிர்ச்சியை ஏற்படுத்தியுள்ளது.
முன்னணி மொபைல் நிறுவனங்களில் ஒன்றாக திகழும் ஒன்பிளஸ் நிறுவனம் தனது வெற்றிகரமான மாடலான நார்டு 2 5ஜி போனை இந்திய சந்தையில் அறிமுகப்படுத்தியது. பல்வேறு சிறப்பு அம்சங்களை கொண்ட இந்த மொபைல் போன் வாடிக்கையாளர்களை பெரிதும் கவர்ந்துள்ளது.
இந்த நிலையில், கர்நாடக மாநிலம் பெங்களூருவை சேர்ந்த பெண் ஒருவர் அண்மையில் நார்டு 2 மொபைலை வாங்கியுள்ளார். அவர், தனது பையில் மொபைலை வைத்துக்கொண்டு அவர் இருசக்கர வாகனத்தை ஓட்டியுள்ளார்.
அப்போது பையிலிருந்த அவரது நார்டு மொபைல் போனின் பேட்டரி வெடித்துள்ளது. இது தொடர்பாக அப்பெண்ணின் கணவர் அன்குர் சர்மா என்பவர் ட்விட்டரில் பதிவிட்டிருந்தார்.
அதில், வாங்கி 5 நாட்களே ஆன நிலையில், மொபைல் போனின் பேட்டரி வெடித்துவிட்டது என்றும், இதனால் தனது மனைவிக்கு விபத்து ஏற்பட்டது என்றும் கூறியுள்ளார்.
இதனையடுத்து, இந்த சம்பவத்துக்கு வருத்தம் தெரிவித்துள்ள ஒன்பிளஸ் நிறுவனம், செல்போனின் பேட்டரி வெடித்தது தொடர்பான விசாரணையையும் தொடங்கியுள்ளது.
