நல்லிணக்கம், நீதி மற்றும் மனித உரிமைகள் பாதுகாப்பு ஆகியவற்றின் அடிப்படையில் அனைவரையும் உள்ளடக்கிய மற்றும் நிலையான சமாதானத்தை உறுதி செய்வது வலுவான இலங்கையைக் கட்டியெழுப்புவதற்கு இன்றியமையாததாகும்.
இதன்மூலம் அதிக வெளிநாட்டு முதலீடுகளை ஈர்ப்பதுடன், பொருளாதார ஸ்திரத்தன்மையை மேலும் அதிகரிக்கும் என அமைச்சர் தாரிக் அஹமட் சுட்டிக்காட்டியதாக இலங்கைக்கான பிரித்தானிய உயர்ஸ்தானிகராலயம் தெரிவித்துள்ளது.
இனங்களுக்கிடையிலான மோதல்களை முடிவுக்குக் கொண்டுவருதல், மனித உரிமைகளை மேம்படுத்துதல் மற்றும் சமூக ஒற்றுமையைக் கட்டியெழுப்புதல் ஆகிய திட்டங்களை மேற்கொள்வதற்காக மோதல், ஸ்திரத்தன்மை மற்றும் பாதுகாப்பு நிதியத்தின் மூலம் இலங்கைக்கு 3.7 மில்லியன் வழங்குவதாகவும் அவர் அறிவித்தார்.
மூன்று நாள் உத்தியோகபூர்வ விஜயத்தை மேற்கொண்டு கடந்த செவ்வாய்கிழமை நாட்டை வந்தடைந்த பிரித்தானிய பொதுநலவாய மற்றும் அபிவிருத்தி அமைச்சர் தாரிக் அஹமட், பிரதமர் மற்றும் வெளிவிவகார அமைச்சர் உட்பட உயர்மட்ட பிரதிநிதிகளை சந்தித்து பல்வேறு விடயங்கள் குறித்து கலந்துரையாடினார்.
யாழ்ப்பாணம் மற்றும் திருகோணமலை மாவட்டங்களுக்கும் விஜயம் செய்த அவர், வடக்கு மற்றும் கிழக்கு மாகாண ஆளுநர்கள் மற்றும் சிவில் சமூக பிரதிநிதிகளை சந்தித்து கலந்துரையாடினார். இந்த நிலையில், அமைச்சர் தாரிக் அஹமட்டின் இலங்கை விஜயம் குறித்து இலங்கைக்கான பிரித்தானிய உயர்ஸ்தானிகராலயம் செவ்வாய்கிழமை அறிக்கையொன்றை வெளியிட்டது.இலங்கைக்கு உத்தியோகபூர்வ விஜயம் ஒன்றை மேற்கொண்டிருந்த அமைச்சர் தாரிக் அஹமட், இரு நாடுகளும் எதிர்கொள்ளும் சவால்கள், கொரோனா வைரஸ் பரவல் நெருக்கடியைக் கையாள்வது மற்றும் சுற்றுச்சூழல் பாதுகாப்பு உள்ளிட்டவை குறித்து கலந்துரையாடினார்.
இரு நாடுகளுக்கும் இடையிலான வர்த்தகம், முதலீடு மற்றும் நிதிச் சேவைகளில். மற்றும் மனித உரிமைகளுக்கான உறுதிப்பாட்டை மீண்டும் உறுதிப்படுத்தியது.
இலங்கைக்கான தனது விஜயம் தொடர்பில் அமைச்சர் தாரிக் அஹமட் கருத்துத் தெரிவிக்கையில், நல்லிணக்கம், நீதி மற்றும் மனித உரிமைகள் பாதுகாப்பின் அடிப்படையிலான அனைவரையும் உள்ளடக்கிய மற்றும் நிலையான சமாதானத்தை உறுதிப்படுத்துவது பலமான இலங்கையைக் கட்டியெழுப்புவதற்கு அவசியமானது. அதிக அளவில் வெளிநாட்டு முதலீட்டை ஈர்க்கவும், பொருளாதாரத்தின் நம்பகத்தன்மையை மேலும் வலுப்படுத்தவும் முடியும்.
சமூகங்களுக்கிடையிலான மோதல்களை முடிவுக்குக் கொண்டுவருதல், மனித உரிமைகளை மேம்படுத்துதல் மற்றும் சமூக ஒற்றுமையைக் கட்டியெழுப்புதல் போன்ற நோக்கங்களைக் கொண்ட திட்டங்களை மேற்கொள்வதற்காக முரண்பாடு, ஸ்திரத்தன்மை மற்றும் பாதுகாப்பு நிதியத்தின் மூலம் இலங்கைக்கு 3. 3.7 மில்லியனை வழங்கவும் தீர்மானிக்கப்பட்டது.
இந்த விஜயத்தின் போது தாரிக் அஹமட், ஜனாதிபதி கோட்டாபய ராஜபக்ஷ மற்றும் பிரதமர் மஹிந்த ராஜபக்ஷ உட்பட அரசாங்கத்தின் சிரேஷ்ட அதிகாரிகளுடனும் சந்திப்புகளை நடத்தினார்.இரு நாடுகளுக்கும் இடையேயான நல்லுறவின் முக்கியத்துவம் மற்றும் கொரோனா வைரஸ் மற்றும் பருவநிலை மாற்றத்தால் ஏற்பட்ட நெருக்கடிக்குப் பிறகு பொருளாதார மீட்சி உள்ளிட்ட பரஸ்பர நலன்களின் பொதுவான பிரச்சினைகள் குறித்து இரு தலைவர்களும் விவாதித்தனர்.
வடக்கு மற்றும் கிழக்கு மாகாணங்களுக்கு விஜயம் செய்த அமைச்சர் தாரிக் அஹமட், அங்கு அரசியல் தலைவர்கள் மற்றும் சிவில் சமூக பிரதிநிதிகளை சந்தித்து பல்வேறு விடயங்கள் குறித்து கலந்துரையாடினார். தமிழ் மற்றும் முஸ்லிம் சமூகங்களின் கவலைக்குரிய விடயங்கள், உள்ளூராட்சி நிர்வாகம் மற்றும் ஒட்டுமொத்த அரசியல் பங்கேற்பு தொடர்பில் கலந்துரையாடப்பட்டது.
ஒரு சகிப்புத்தன்மை மற்றும் உள்ளடக்கிய சமுதாயத்தை கட்டியெழுப்புவதற்கும் மத சுதந்திரத்தை உறுதி செய்வதற்கும் பிரிட்டன் முழு ஒத்துழைப்பை விரிவுபடுத்தும் என்றும் அவர் உறுதியளித்தார்.
