இலங்கையின் மின்வெட்டு வெட்டு தொடர்பில் வெளியான எச்சரிக்கை !

இலங்கையில் மின் உற்பத்திக்காக நிலக்கரியை நீண்டகாலமாக கொள்வனவு செய்வதற்கு புதிதாக டெண்டர் கோருவதற்கு தீர்மானிக்கப்பட்டுள்ளது.

இருந்த போதிலும் அடுத்த மாதம் முதல் நீண்ட மின்வெட்டு அமுல்படுத்தப்படும் என இலங்கை மின்சார சபை அறிவித்துள்ளது.

நீண்ட கால கடன் அடிப்படையில் நிலக்கரியை வழங்கக்கூடிய பொருத்தமான சப்ளையர்களுக்கு புதிய சர்வதேச திறந்த டெண்டரை அறிவிக்க முடிவு செய்துள்ளதாக மின்சக்தி மற்றும் எரிசக்தி அமைச்சகம் அறிவித்துள்ளது.

தற்போதைய நிலக்கரி தட்டுப்பாட்டை தவிர்க்கும் வகையில் கடந்த வருடம் மனுகோரலுகாமியவிடம் இருந்து பெறப்பட்ட 19 கப்பல்களின் நிலக்கரி இருப்புக்களை விரைவில் கொண்டு வர நடவடிக்கை எடுக்கப்படும் என அமைச்சர் காஞ்சன விஜேசேகர தெரிவித்துள்ளார்.

ஆனால் ஒரு கப்பல் நாட்டுக்கு வருவதற்கு 20 நாட்களுக்கு மேல் ஆகும் என மின்சார சபை கூறுகிறது. அதுவரை தற்போதுள்ள நிலக்கரி போதுமானதாக இருக்காது என உயர் அதிகாரி ஒருவர் தெரிவித்தார்.

இதன் காரணமாக அடுத்த மாதம் முதல் தினசரி 8 மணி நேர மின்வெட்டு 10 மணி நேரமாக நீட்டிக்கப்படும் என உயர் அதிகாரி தெரிவித்தார்.

பொதுவாக, நிலக்கரி ஏற்றிச் செல்லும் கப்பல் ரஷ்யாவில் இருந்து நாட்டை வந்தடைய 20 நாட்களுக்கு மேல் ஆகும். ஆனால் இதுவரை எந்த சப்ளையர்களும் நிலக்கரி வழங்க ஒப்புக்கொள்ளவில்லை.

60,000 மெட்ரிக் டன் எடையுள்ள 40 கப்பல்கள் ஏப்ரல் 15ஆம் தேதிக்குள் நாட்டுக்குள் கொண்டுவரப்பட வேண்டும்.அதன் பிறகு கடல் கொந்தளிப்பாக இருக்கும் என்பதே இதற்குக் காரணம்.

அதற்கு 5 நாட்களுக்கு ஒரு முறை நாட்டுக்கு கப்பல் வர வேண்டும். தற்போதைய நிலவரத்தை கருத்தில் கொண்டு கடல் கொந்தளிப்புக்கு முன்னதாக நிலக்கரி ஏற்றிச் செல்லும் 40 கப்பல்களை நாட்டுக்கு கொண்டு வர முடியாது என மின்சார சபையின் உயர் அதிகாரி ஒருவர் தெரிவித்தார்.

Previous articleபோதைப்பொருள் பயன்படுத்தும் சாரதிகள் தொடர்பில் வெளியான அறிவிப்பு!
Next articleக.பொ.த சாதாரண தரப் பரீட்சையில் சித்தியடைந்த மாணவர்களுக்கு வெளியான தகவல்!